Sa Die de sa Sardigna, publicadu s'avisu pro sos Entes locales

Publicadu s’avisu chi finàntziat sos cuntzertos e sos cunvegnos pro sas tzelebratziones de Sa Die de sa Sardigna aprontadas dae so Entes locales in collaboratzione cun sos Istitutos iscolàsticos de cada òrdine e gradu, Universidade, istitutziones cualificadas, assòtzios musicales e àteros sugetos culturales de Sardigna. Sas atividades tzelebrativas ant a pòdere comintzare su 28 de abrile pro si serrare intor su mese de maju de ocannu. Sas dimandas de partetzipatzione ant a dèvere lompere a s’indiritzu pi.cultura.sarda@pec.regione.sardegna.it intro e non prus a tardu de mesudie de su 23 de abrile. Inoghe sa documentatzione.