"Scuole senza zaino", dimandas intro de su 30 de abrile

S'assessoradu regionale de sa Pùblica istrutzione cheret achirire sas manifestatziones de interessu dae parte de sas Autonomias iscolàsticas chi in custu annu sunt parte de sa Rete natzionale “Scuole senza zaino”, istrutura chi punnat a s’ospitalidade, a sa responsabilidade e a sa comunidade in sas iscolas. Custas Autonomias podent presentare sa candidadura pro su finantziamentu in forma assotziada, cualifichende·si comente rete, o cun cale si siat àtera denominatzione, pro mèdiu de s’individuatzione de un'autonomia cabu-filera. Totu sas autonomias assotziadas devent resurtare aderentes a sa rete “Scuole senza zaino”. Sas pregontas sutascritas dae su rapresentante legale de s'Autonomia iscolàstica ant a dèvere lòmpere intro sas 13 de su 30 de abrile de ocannu tràmite Pec a s'indiritzu: pi.dgistruzione@pec.regione.sardegna.it. Info prus a minudu inoghe.