Isde e rinnovàbiles, addòbios in Casteddu e Tàtari

Sos Mèigos pro s’Ambiente de Isde Sardigna, in collaboratzione cun s’assòtziu ReCommon, promovent duos addòbios in contu de ispeculatzione energètica e fontes fòssiles: su primu su 29 de maju in Casteddu (a sas 16.30 in sa sede Css de carrera de Marche); su segundu, a sa matessi ore, su 31 in s’àula magna de Agrària in Tàtari, in viale Italia. «Ponet oriolu s’assàchiu a su territòriu sardu dae parte de sotziedades de aterue chi ispèculant cun eòlicu e fotovoltàicu. Sa punna notra – narant – est de aunire iscièntzia e polìtica».