La Spezia, Giovanni Battista Bassu su presidente nou de su tzìrculu de sos sardos “Grazia Deledda”

Giovanni Battista Bassu (dae manca in sa foto) est su presidente nou de su tzìrculu de sos sardos “Grazia Deledda” de La Spezia pro su triènniu 2024-2026. Classe 1987, laureadu in Casteddu in Tècnicas de sa preventzione de s’ambiente e in sos logos de traballu, Bassu est un’ulianesu disterradu chi at lassadu sa bidda sua cando aiat 19 annos. Faeddat su sardu, s’italianu, su frantzesu, s’inglesu e s’ispagnolu e l’ant votadu lunis su 27 de maju in s’addòbiu de su cussìgiu diretivu. «So cuntentu – at naradu – pro sa cunfiàntzia chi m’ant dadu. A rapresentare sa cultura sarda in foras de s’ìsula est motivu de bantu. Apo a sighire su trballu fatu dae su presidente uscente Saverio Coghe».