Madrid: una ocasione importante pro 8 atividades sardas chi produint màndigos de primore

Su 1 e 2 de su mese de làmpadas sos pròdutos de primore de Ogiastra ant a èssere in Madrid. S'ocasione at a èssere sa manifestatzione enogastronòmica "Passione Italia", inue ant a èssere presentes 8 atividades sardas chi produint màndigos de calidade.

In su situ internet de su "Gal Ogliastra" est istadu publicadu su bandu pro podere leare parte a custa faina internatzionale. Pro s'ìsula s'ocasione at a èssere importante meda pro 4 grupos de atzione locale.