Ses setziones pro s'VIII Festival dell'Altrove

S’assessoradu de sa Cultura de Guasila, in collaboratzione cun s’assòtziu Enti Locali per le Attività Culturali e di Spettacolo, est annuntziende sa de oto editziones de su prèmiu literàriu Giulio Angioni. Custas sas ses setziones: narrativa èdita; narrativa inèdita; sagìstica; poesia; carriera e prèmiu ispetziale. In pare a custos prèmios ant a assignare atestados pro sas tesis de làurea a sos pitzocos guasilesos e una bursa de istùdiu in iscièntzias demoetnoantropològicas. B’at tempus finas a su 28 de làmpadas pro bi pòdere partetzipare.