Thiniscole, sa gruta de Gana 'e Gortoe in su fèstival de s'isvilupu sustenìbile
![ceas santa lucia](/sites/default/files/styles/header_md/public/upload/2024/05/Screenshot%202024-05-11%20at%2018-34-43%20Ceas%20Santa%20Lucia%20Siniscola%20Educazione%20ambientale%20ed%20escursioni%20in%20Sardegna.png?h=cc34bfd1&itok=68IWav6v)
Domìniga su 19 de maju, su Ceas de Santa Luchia de Thiniscole pigat parte a sa de oto editziones de su Festival de s’Isvilupu sustenìbile. «Est un’initziativa – narant sas operadoras de su tzentru Maria Luisa Mason e Manuela Mulargia – chi pertocat sa sustenibilidade sotziale, ambientale e econòmica e Thiniscole nd’aprofitat pro faeddare de sa gestione de unu bene comune comente sa gruta de Gana ‘e Gortoe e de sas valèntzias ambientales suas. Movende dae su “mitu de sa gruta” de Platone, chi nos at a pònnere a meledare in contu de diferèntzias intre realidade e pertzetzione, nos amus a cunfrontare chistionende de de su benidore, chi est su tema de s’editzione de ocannu de su fèstival». Duos sos apuntamentos in sa gruta mentovada: a banda de mangianu a sas 10 e a borta de die a sas 15.30. Dae cue caminu andende conca a Monte Idda.