Uta, sa garante Testa, «violados sos diritos umanos»

Bìsita noa de sa garante de sos presoneris Irene Testa in sos logos de reclusione. Sas dies coladas nch’est lòmpida a sa Domo tzircundariale de Uta sebestende·si de sa «violatzione de sos diritos umanos» mescamente in contu de «assistèntzia sanitària». Sunt 655 sos detenudos interessados. Calicunu fintzas disàbile: in una setzione cun una tzella dèghida ebbia «bi nd’at bator in carrotzina e unu cun sas istampellas». Non faeddemus de sas barreras architetònicas. Pedidu cun urgèntzia s’interventu de sas autoridades cumpetentes.