Europeas 2 - Ilaria Salis a Istrasburgu?

S’antifascista de orìgine sarda (e candidada fintzas in custa tzircuscritzione nostra in ue at pigadu 50mìgia preferèntzias) Ilaria Salis, essit dae sa presonia e nch’intrat a s’emitziclu? Cun 170mìgia preferèntzias in totu (cun sa lista Avs) s'eletzione sua est matemàtica. Ma in Ungheria narant chi non diat pòdere impreare s'immunidade pro more de unu vìdeu chi - a sa nada issoro - nos la presentat in crìmines de reatu. In su paisu magiaru sos aversàrios suos o cherent ghetare sa crae o la cherent mòrrere (sas minetzas de sos nazistas sunt nòdidas). A chentu annos dae su delitu Matteotti diamus chèrrere festare s'eletzione de un'antifascista militante.