Contributos a sas Cooperativas sotziales de tipu "B", dimandas dae s'8 de santugaine

Publicadu s'avisu pro sa cuntzessione de contributos in contu ocupatzione in favore de sas Cooperativas Sotziales de tipu “B”. Destinatàrios de s'avisu sunt sos sòtzios traballadores, isvantagiados e no isvantagiados, chi siant in sas dipendèntzias de su sugetu proponente a sa data de publicatzione de s'Avisu, francu sos sòtzios traballadores istajonales, chi no ant tale òbligu e chi, duncas, podent fintzas èssere non prus in fortza a tale data. Su contributu est un'agiudu in contu ocupatzione pro su rimborsu de sas retributziones erogadas e licuidadas (finas a unu màssimu de 18 mensilidades) de su sugetu proponente a cada sòtziu traballadore isvantagiadu e no isvantagiadu, ancora in fortza in s'orgànicu de sa Cooperativa a sa data de publicatzione de s'Avisu segundu sos critèrios prevìdidos. Sa presentatzione de sa DAT (Domanda di aiuto telematica) pro sa cuntzessione de s'agiudu at a pòdere èssere fata dae sas 12 de s’8 e finas a sas 23:59 de su 22 de santugaine, petzi impreende s'aplicativu regionale apòsitu in s'àmbitu de su Sistema Informativu de su Traballu e de sa formatzione Professionale (SIL) www.sardegnalavoro.it. Info prus a minudu iscriende a lav.coopl162024@regione.sardegna.it