"Italian Tree of the Year". Binchet s'Eni 'e Matari de Orthullè
Su cuncursu ‘Italian Tree of the Year‘ aprontadu dae sa Giant Trees Foundation l'at bìnchidu s’Eni ‘e Matari de Orthullè. S'àrbore sarda at leadu prus votos de s’araucària de Nervi, de s’abete de Douglas de sos padentes de Vallombrosa, de su pinu de Heldreich de s’apenninu càlabru-lucanu.
Taxus baccata, custu est su nùmene iscientìficu suo. Eni est s’àrbore (in sardu fintzas tassu, tàsaru, longhifresu). Matari est imbetzes su logu ogiastrinu intre su riu Flumineddu e su bacu de Gorropu. Custa àrbore brotat maestosa in mesu a unu padente de èlighes de cussu Supramonte e dae chèntinas de annos est a bàrdia de unu bidditzolu nuràgicu.
Como podet devènnere Àrbore europeu.
© RIPRODUZIONE RISERVATA