"Largo Grande Cagliari", domìniga s'inauguratzione in Thiniscole

Dae domìniga in Thiniscole bi dênt àere su “Largo Grande Cagliari”. S’inauguratzione de su tretu (in sa parte finale de sas carreras de Gramsci e de Roma, in cara de su Bar Cagliari) est pro sas 11, in ue b’ant a pigare parte sos de su grupu folk “Cùcuru ‘e Jana” (cun Lucio Lutzu a su sonete), su coru “Santa Luchia” (cun tres branos programmados, unu dedicadu a sa memòria de Gigi Riva), sa poeta Marcella Bandinu (chi at partetzipadu a unu cuncursu de versos pro Rombo di Tuono) e una delegatzione de giogadores de s’iscuadra de Casteddu intre sos campiones de su 70 e unos cantos de da formatzione de como.