Cherbos: dae sa Giunta 500mìgia èuros a is Comunes cun su prus nùmeru artu de intzidentes
Sa Giunta regionale, cun proposta de s'assessore de sa Defensa de s'ambiente, at aprovadu is dies coladas una deliberatzione chi destinat 500mìgia èuros pro aviare unu progetu isperimentale me is Comunes chi ant registradu su prus nùmeru artu de intzidentes pro more de sa presèntzia de cherbos, mesches me is tretos a làcana cun istradas travigadas. Pro immoe is territòrios interessados sunt is de Pula, Arbus, Gùspini, Làconi e Silìcua, ue su fenòmenu s’est manifestadu de prus. A sos Comunos destinatàrios, comente narat s’assessora, «no ddi garantimus sceti is risursas netzessàrias, ma fintzas s'assistèntzia tècnica pro sa progetatzione e sa realizatzione de is interventos, pro chi potzant èssere atuados in tempos lestros e eficatzes».
© RIPRODUZIONE RISERVATA