Filming Cagliari 2024, dimandas intro de su 28 de freàrgiu

Cun is categorias ammìtidas de su metràgiu longu tzine-tele-ausiovisivu, de sa fiction televisiva e de su documentàriu / docufiction, sa fundatzione Sardegna Film Commission at aprovadu s’avisu “Filming Cagliari 2024”. Custas is punnas: promòvere e valorizare su patrimòniu artìsticu, culturale e ambientale; acrèschere is resursas professionales e tècnicas de su logu creende is cunditziones pro atràere a Casteddu produtziones tzinematogràficas e audiovisivas natzionales e internatzionales; promòvere e difùndere, pro mèdiu de fainas diferentes de caràtere formativu, promotzionale, produtivu, s'immàgine e su connoschimentu, fintzas addae de is làcanas “natzionales”, de Casteddu, de su territòriu e de s'istòria sua, comente iscenàriu naturale e culturale pro s'indùstria audiovisiva; cumbìnchere in particulare is produtziones tzinematogràficas e audiovisivas a operare in sa realidade territoriale de Casteddu, frunende agiudu e assistèntzia a is produtziones e un'informatzione a minudu e cumpleta in contu de totu su chi pertocat s’aprontu de ripresas in su territòriu; valorizare is resursas professionales locales, tessende una rete intre produtores e amministratziones, propietàrios de logos adatos pro s'ambientatzione de is ripresas, professionistas e aziendas de setore locales. Sas dimandas pro ddoe pòdere pigare parte, in pare cun totu sa documentatzione, bolent imbiadas a filmcommission@pec.regione.sardegna.it intro de su 28 de freàrgiu de annoas. Inoghe s’avisu e sa documentatzione.