Limbas e guidas turìsticas, su reconnoschimentu de sas cumpetèntzias. Dimandas intro de su 20 de ghennàrgiu

Sa Regione at aprovadu e publicadu s’avisu "Condizioni e modalità per il riconoscimento delle capacità linguistiche delle guide turistiche regionali già abilitate al 17 dicembre 2023". S’avisu est indiritzadu a sas guidas turìsticas iscritas a su registru regionale (introduidu dae s’artìculu 6 de sa lege 20 de su 2006) cun sa punna de reconnòschere sas cumpetèntzias linguìsticas issoro. Sas dimandas cherent imbiadas a tur.osservatorio@pec.regione.sardegna.it finas a unu minutu in antis de su mesu note de su 20 de ghennàrgiu. Inoghe sos documentos.

Immagine Helena Jankovičová Kováčová