Nùgoro e Macumere, duas cabinas pletismogràficas noas

A s’Asl nugoresa arribant duas cabinas pletismogràficas: una a su Poliambulatòriu de Macumere; s'àtera la ponent in càmbiu de sa betza de s’ospidale Zonchello de Nùgoro. Custas duas aparechiaduras de generatzione noa sunt a tretu de fàghere ispirometrias globales pro sa diàgnosi a minudu de sas patologias de sos purmones. Pro more de un’aplicativu dèghidu su test permitit de mesurare sa cantidade de gas presente istabilende gasi si b’at maladia chi acreschet o mìnimat su volume de sos òrganos. Sa còmpora de custas duas cabinas naschet dae sas esigèntzias essidas a campu in sos addòbios de sas Comunidades de Pràtica introduidas dae sa diretzione istratègica de s’Asl pro acumprire a sos Pdta (percursos diagnòsticos terapèuticos assistentziales).