In S'Alighera su "Torneo di calcetto dell'Amicizia”

Chenàbura su 13 de nadale in S’Alighera, in s’impiantu isportivu “LA Taulera” de carrera de Alexander Fleming (a palas de s’Ospidale tzivile), b’est su "Torneo di calcetto dell'Amicizia”, 'initziativa de isport, integratzione e acollièntzia intre pòpulos, culturas e gèneres. In prgramma su “disafiu” cun sos operatores e sos benefitziàrios migrantes de su progeto Sai (Sistema de acollièntzias e integratzione ex SPRAR), sos de “Junts” de su Comune de S’Alighera e sos de s’Aps Gus. (Gruppo Umana Solidarietà) "Guido Puletti", in pare cun sos voluntàrios e sos apartenentes a sos assòtzios Ponti non muri, Emergency, Amnesty, e a is giogadores de s’Audax e giogadoras de s’FC Alghero femminile. A concruos de sa partida b’est sa projetzione de su metràgiu curtzu “Natali Shaheen. Una storia di calcio e di lotta” (18' ITA 2024 di Simona Cocozza) cun protagonista sa giogadora palestinesa, prèmiu “Sport e diritti umani 2023”, promòvidu dae Amnesty International Italia e Sport4Society.