S'annu nou de is mustras de su Man, tres apuntamentos in ghennàrgiu

Su bintibator si nch’est interinende, ma pro su nou su Man de Nùgoro at giai programmadu unos cantos apuntamentos cun is mustras suas. Bìsitas ghiadas pro bìvere mègius s’arte esposta. Chenàbura su 3 de ghennàrgiu, a is 18, sa prima a incuru de Alessandro Moni; s’8 sa segunda, a sa matessi ora, cun Eslisabetta Masala (mustra Una Szeemann, Scenafenomenica); su 14 s’àtera cun Chiara Gatti (mustra Christiane Löhr, Accumuli). Pro more de is resèssidas coladas, sa diretzione de su museu ammentat chi est obligatòriu a si prenotare via mail (iscriende a info@museoman.it) o telefonende (a su 0784.252110). Pro cada bìsita ddoe at unu màssimu de 20 partetzipantes.

Fonte immàgine