Visioni sarde, su tzìnema de s'ìsula in Marsìglia

Sighit sa caminera de Visioni Sarde peri su mundu. Sàbadu su 7 de nadale, in su tzentru comunale de animatzione Michel Lévy de Marsìglia, sos de s’assòtziu Passaparola ant projetadu noe metràgios curtzos: Dalia de Joe Juanne Piras, Gi' cun giuali de Michela Anedda, Incappucciati, Foschi de Nicola Camoglio, La punizione del prete de Francesco Tomba, Chiara Tesser, Quello che è mio de Gianni Cesaraccio, Ranas de Daniele Arca, Spiaggia libera de Ludovica Zedda, Ti aspetto qui de Gabriele Brundu e Tilipirche de Francesco Piras. «Unu bellu merie a beru – narat s’organizadora de s’eventu Sebastiana Frau -. Su pùblicu at apretziadu sa calidade de sas pellìculas, sa variedade temàtica e istilìstica de grandu richesa».