«Su mare est galu caente, andade a Sardigna in atòngiu», narant in su Financial Times

13 Gennàrgiu 2025
ft

S’annu nou est in pessu comintzadu ma giai b’at chie est faeddende de turismu pro custa terra. Lu faghet, pro nàrrere, su Financial Times, chi contat custu logu comente unu de sos prus cussigiados. Ma su giornale econòmicu-finantziàriu britànnicu non mentovat sos meses de làmpadas, de triulas o de austu. E nemmancu de cabudanni. Su tempus inditadu est su de santuganine ma fintzas su de santandria pro more de su tempus bonu. «In late october, even november – iscrient –, the sea around Sardinia is still warm». Forsis no ischint de su chi amus a colare in carchi logu in ue su turimu at a consumanre parte manna de sa paga abba chi tenimus. Ma – torrende a s’artìculu - cheret chi nos ammentemus de su chi podet acaèssere cando su mare Mediterràneu est prus caente de su solìtu e de sas temporadas malas dae custu determinadas.

© RIPRODUZIONE RISERVATA