De su welfare a su warfare

11 Febbraio 2013
Image
rsu-paxi-300x225.jpg
(IlMinuto) – Casteddu, 11 de su mesi de fiàrgiu – Su Stadu itallianu a corpus de 3,5 milliardus a s'annu, e calancuna borta a corpus de 4,0 milliardus, si stadi indepidendi cun 71 progamus de armamentus.

Ma e po sa scola?

Si nanta ca no nc'est nimancu unu sodhu.

Innoi a sighiri fadeus sa listra de custa bella còmpora de “guetus” ca a s'acabbu s'at a costai aintru de is 25 a is 40 milliardus.

- 131 cacciabombardieri F-35, Strike fighter si costant, po dhus comporai totus, 13 milliardus. Ma fortzis calaus a sceti (sigh e lampu) 10 milliardus, chi smenguant a 90 is cassa-bumbardieris.

Sceti po cumentzai custu progamu 2,5 milliardus funti giai stètius spèndius. Chentza de contai totu cudhu dinai chi si at a costai cun sa manu-tentzioni de custas màchinas de guerra. S'ùrtimu prètziu de is aparèchius est giai lòmpiu, de is primus 80 millionis, a 130 millionis de dòllarus a cadeunu.

- 2 sumergìbilis U-212 funti stètius comporaus de sa Germània, anti spèndiu sceti 2,0 milliardus; ma àturus 2 funti de comporai.- Finantziadas àtras 4 fregate, frigaduras, “Orizzonte” FREMM, in totu 1,6 milliardus, balint casi 400 millionis a cadeuna. Custu est unu progamu italu-frantzesu. 2 de custas navis, a s'istadi 2012, funti giai stètias fatas amarai.

- Po 1,5 milliardus s'Itàllia at pregontau e detzidiu de comporai a Israeli. 2 aparèchius Gulfstream 5.

E in s'ìnteris in sa scola?

- 8,0 milliardus anti segaus a sa Scola pùbriga in tres annus, de su 2009 a su 2011, cun “s'arreforma” Gelmini-Tremonti. Boghendinci, apustis de dh'èssiri fata funtzionai po meda annus, 131 milla docentis precàrius. In totu fait su 15% de is docentis de sa scola.

- In su 2012 fintzas a 1,0 milliardus nci boliat lompi, e cun su sciollòriu de is 6 oras de trabballu in prus po is docentis, su “muntoni” de su guvernu Monti.

- Is scatus de antzianidadi de serbìtziu chi bolint pagai ocannu, funti is “scartus” de su 2011, nci bolint 384 millionis; e abbastant sceti tres aparèchius F-35 po pagai totus cantu.

Dinai po sa scola pùbriga e no po sa guerra.

Docentis e scientis ni tzeracus ni clientis.

francudefabiisRSU”primulevi”Pitz'eSerraCuartu

Fotografia de Riccardo Carli. Pigada de Flickr
© RIPRODUZIONE RISERVATA
Tags