Nanomoru: su birrifìtziu seddoresu de birra mastrina de calidade

Bèvidas licantzas, un'esperièntzia chi cheret bufada. Un'esperièntzia de non pèrdere a beru
10 Marzo 2020
nanomoru birras

* Dae sa terra a sa butìllia * – Su birrifìtzu Nanumoru est nàschidu in Seddori cun sa punna de produire feti birras interessantes e chi satisfint onni paladu, finas su de sos clientes ischitetos.

A pustis de àere fatu diversus cursus, de àere bidu comenti traballant diversos birrifìtzios, e posca puru de un'isperimentadura longa e de un'istudiu fitianu, sa produtzione birraia de Nanomoru at cumentzadu sa vida sua in su 2017.

Sa birra Nanomoru at visadu sa lughe in un'istrutura in ue ddoe sunt s'impiantu, su magasinu, sos ufìtzios e sa butega.

Sas birras propostas sunt totus bèvidas mastrinas desempreadas. Etichetas echilibradas fatas cun mètodu, rigore, amori e fantasia.

Totus sas creatziones de custa realidade produtiva de Sardigna impreant matèrias primàrias de calidade. Su resurtu sunt birras de primore, chi non sunt pastorizadas ni coladas e chi non ant niunu conservanti.

Nanomoru oferrit a su mercadu birras a incubonadura longa e birras cun pagu incubonadura.

Sos ùnicos ingredientes impreados dae su birrifìtziu seddoresu sunt abba, maltu de òrgiu, trigu, lùpulu, madrighe e ispètzias. Sas birras produidas, duncas, sunt bèvidas saboridas e sincheras.

Sa cura e sa passièntzia dedicada a onni fase de su protzessu produtivu at cunsentidu a sas birras Nanomoru de si fàghere connòschere luego in sos cuncursos birraios italianos e foranos e in sos festival de s'ìsula. Est pro custa resone puru ca sas birras Nanomoru agatant su logu issoro in sos ristorantes de calidade.

Anhea, Iblyssa, Ipazya, Caravel, Ossidya e Russella sunt birras mastrinas chi costoint cumpetèntzia e connoschèntzia.

Anhea est una birra incubonada pro tempus meda chi s'ispirat a s'istile Golden Ale. Una bèvida beverina a colore de grogu indorau cun un'ispuma bianca. Anhea est perfeta pro acumpangiare sos pratos de petza e de pische coghinados in modu simpli. Òtima puru cun sos màndicos frissos.

Comente Anhea, Iblyssa puru est una birra fata buddire a longu. Custa bèvida a colore de pinnadellu at un'ispuma a colore de crema e est ispirada a s'istile WeizenBock. Estremada a la bufare paris cun durches de mèndula.

Ipazya, imbetzes, est una birra bona si bufada a sa sola. Semper che semper est puru sa cumpàngia giusta pro sos màndicos frissos e pro sa petza arrustu. Ipazya est una bèvida ispirada a sas West Coast American IPA.

Petza arrustu, birduras a sa grìglia, màndicos aspidores e pratos de pub sunt sas retzetas chi s'acumpangiat bene bufende una bella tassa de Caravel, una birra cun nuscos de maltu ispirada a sas Ales Americanas.

A su contràriu, sa Ossidya est una birra a colore de nieddu chi at un'ispuma chi est che una crema a colore de capucinu. Custa bèvida est bona a la bufare cun petza de sirbone e cun àtera petza de cassa. Ossidya est adata puru pro acumpangiare sos durches de ciuculati.

Incubonada meda e ispirada a s'istile Wit, connòschidu puru comente Blanche, sa Russella est una birra groga cun un'ispuma bianca, saborida a la bufare paris cun casu friscu e petza bianca.

 

 

© RIPRODUZIONE RISERVATA

Dae sa terra a sa butìllia

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

Image
Regione Autonoma Sardigna

Aggiungi un commento