Nanomoru: su birrifìtziu seddoresu de birra mastrina de calidade

Bèvidas licantzas, un'esperièntzia chi cheret bufada. Un'esperièntzia de non pèrdere a beru
10 Martzu 2020
nanomoru birras

* Dae sa terra a sa butìllia * – Su birrifìtziu Nanumoru est nàschidu in Seddori cun sa punna de produire feti birras interessantes e chi acuntentent a onni paladu, finas su de sos clientes ischitetos.

A pustis de àere fatu unos cantos cursos, de àere bidu comente traballant sos birrifìtzios, e posca puru de un'isperimentatzione longa e de un'istùdiu fitianu, sa produtzione birràia de Nanomoru at cumentzadu sa vida sua in su 2017.

Sa birra Nanomoru at bidu sa lughe in un'istrutura in ue ddoe sunt s'impiantu, su magasinu, sos ufìtzios e sa butega.

Sas birras propostas sunt totus bèvidas mastrinas desempreadas. Etichetas echilibradas fatas cun mètodu, rigore, amore e fantasia.

Totus sas creatziones de custa realidade produtiva de Sardigna impreant matèrias primàrgias de calidade. Su resurtu sunt birras de primore, chi non sunt pastorizadas, non sunt filtradas e chi non ant niunu conservante.

Nanomoru proponet a su mercadu birras a incubonadura longa e birras cun pagu incubonadura.

Sos ùnicos ingredientes impreados dae su birrifìtziu seddoresu sunt abba, maltu de òrgiu, trigu, lùpulu, madrighe e ispètzias. Sas birras produidas, duncas, sunt bèvidas saboridas e sincheras.

Sa cura e sa passièntzia dedicada a onni fase de su protzessu produtivu at permissu a sas birras Nanomoru de si fàghere connòschere luego in sos cuncursos birràios italianos e foranos e in sos fèstival de s'ìsula. Est pro custa resone puru ca sas birras Nanomoru agatant su logu issoro in sos ristorantes de calidade.

Anhea, Iblyssa, Ipazya, Caravel, Ossidya e Russella sunt birras mastrinas chi costoint cumpetèntzia e connoschèntzia.

Anhea est una birra incubonada pro tempus meda chi s'ispirat a s'istile Golden Ale. Una bèvida beverina a colore de grogu indorau cun un'ispuma bianca. Anhea est perfeta pro acumpangiare sos màndigos de petza e de pische coghinados a manera simple. Òtima puru cun sos mànigos frissos.

Comente Anhea, Iblyssa puru est una birra fata buddire a longu. Custa bèvida a colore ruju at un'ispuma a colore de crema e est ispirada a s'istile WeizenBock. Estremada a la bufare paris cun durches de mèndula.

Ipazya, imbetzes, est una birra bonapro la bufare chene mànigu, ma est puru sa cumpàngia giusta pro sos màndicos frissos e pro sa petza arrustu. Ipazya est una bèvida ispirada a sas West Coast American IPA.

Petza arrustu, birduras arrustidas in sa cadriga, màndicos picantes e sos de tzillerri sunt sas retzetas chi s'acumpàngiat bene bufende una bella tassa de Caravel. Una birra cun nuscos de maltu ispirada a sas Ales Americanas.

A s'imbesse, sa Ossidya est una birra niedda chi at un'ispuma chi paret una crema cun su pròpiu colore de su caputzinu. Custa bèvida est bona a la bufare cun petza de sirbone e cun àtera petza de catza. Ossidya est adata puru pro acumpangiare sos durches de tziculate.

Incubonada meda e ispirada a s'istile Wit, connòschidu puru comente Blanche, sa Russella est una birra groga cun un'ispuma bianca, saborida meda, bona mescamente pro la bufare paris cun casu friscu e petza bianca.

© RIPRODUZIONE RISERVATA

Dae sa terra a sa butìllia

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

Image
Regione Autonoma Sardigna

Aciungi unu cumentu