Tzìnema: in Tàtari torrat Abbàida

De su 2 a su 5 de su mesi de cabudanni torrat in Tàtari su fèstival de su tzìnema sardu Abbàida, manifestada culturali chi lompit ocannu a sa de duas editzionis.

Abbàida est aprontau de su "Cineclub Nuovo Aguaplano" cun s'agiudu de sa sotziedadi coperativa "Le ragazze terribili" e su "Cityplex Moderno", su "Centro studi cinematografici", su "Museo Nivola" e su "Decamaster".

Una manifestada de cuàturu diris chi tenit in programma sa proietzioni de 7 pellìculas de filmi. Si cumentzat su 2 de cabudanni cun su filmi "Tensione superficiale" de Giovanni Aloi, una pellìcula chi contat su tema de sa paridadi de gènia.

Sa diri infatu, imbecis, at èssiri proietau su filmi de Gialuca Vassallo e Francesco Mannironi chi contat su primu lockdown. Tìtulu: "Volevo solo sapere come stai". In sa matessi diri, est a nai su 3 de cabudanni, s'at a proietai su traballu de Vittoria Soddu "Sulle arie, sulle acque, sui luoghi". Sa pellìculla fueddat de un'avenimentu de importu po s a'istòria de Sardigna: sa campagna contra a sa malària promòvia de sa "Fondazione Rockefeller".

Funt 3 is pellìculas previdias po sàbudu 2 de cabudanni: su filmi de Marco Ceraglia "Il ritratto di gruppo più grande del mondo"; su traballu de Francesco Pirisi "Come un'oasi" e "Un piano perfetto" de Roberto Achenza.

Domìnigu 5 de cabudanni, ùrtima diri de su festival Abbàida, at èssiri proietau su docu-filmi “Kent'annos” de su regista argentinu Victor Cruz.