Tàtari, estraditzione annullada pro Carles Puigdemont

L’aiant arrestadu in S’Alighera su 2021
22 Marzo 2023
catalugna

Sa Corte de Apellu de Tàtari at cantzelladu eris s’òrdine de estraditzione pro s’eurodeputadu e ex Presidente de sa Catalogna, s’indipendentista Carles Puigdemont. Su disinnu de sos giùighes movet dae sa riforma de su còdighe penale ispagnolu, fata dae su guvernu de Pedro Sánchez, chi mudat s’àmbitu de aplicatzione de su reatu de rebellia. Belle una depenalizatzione.

Sessat duncas su protzedimentu penale chi abergeint inoghe cando, movende dae su mandadu emìtidu dae sa magistradura de Madrid, l’arresteint in S’Alighera. Fiat su 21 de cabudanni de su 2021 e Puigdemont nche fiat in sa tzitade de su coraddu pro un’addòbiu culturale. Dae su 30 de santugaine de su 2017 nche fiat in Bruxelles pro no evitare s’arrestu a pustis de su referendum pro s’indipendèntzia de sa Catalugna.

m.p.

© RIPRODUZIONE RISERVATA