Bauladu, su 7 s’assemblea generale contra a s’ocupatzione militare

S’assemblea generale contra a s’ocupatzione militare de sa Sardigna si torrat a oviare su 7 de maju a sas 16.30 in Bauladu. In agenda s’allega in contu de initziativas e mobilitatziones imbenientes, comintzende dae s’organizatzione de su corteu de su 2 de làmpadas in Casteddu e dae sa publicatzione de su dossier chi pertocat s’ocupatzione militare de Sardigna, de Còrsica. «Amus a sighire s’allega – narant – comintzada sos meses colados in riferimentu a sa situatzione polìtica de sa cumbata nostra e a sas prospetivas de su movimentu». Sos ativistas s’ant a oviare in sa domo Zoccheddu Erdas de Bauladu.