UniCa, fine de sos acordos cun sas universidades de Israele

Fine de sos acordos intre s’Ateneu de Casteddu e sas Universidades israelianas una borta iscadidos e perunu acordu nou dae como in susu. E si calicunu l’at a fàghere at a èssere a tìtulu personale ebbia. Sa nova est essida eris a campu in sas colunnas de La Stampa cun su Retore Francesco Mola chi faeddat de su sèberu a pustis de sa rechesta de unos milli iscritos in s’Universidade sua. Rechesta chi no est custa ebbia e chi nch’est intro de una motzione chi nd’ant a faeddare su 30 in su Senadu. In su documentu si pedit de espressare solidariedade cun Gaza e de cundennare s’apartheid e s’ocupatzione israeliana. In sa nova leghimus finamentas chi su Retore, deretu a pustis de sas acontèssidas de su 7 de santugaine, at retzidu (nende chi nono) pressiones dae parte de collegas pro istèrrere unu documento pro Israele.