Narat chi est "delitu", e l'intregant una tèssera fascista onorària

Sa giornalista sarda Incoronata Boccia at naradu su chi totus amus intesu. Sas paràulas chi lis sunt essidas in tv sunt prus chi non craras pro cumprèndere su pensu de sa vitzediretora de su Tg1, condutora de su Tgr sardu e mugere de s’ex cabu de s’ufìtziu imprenta de sa regione cun Solinas. Istrumare? Unu delitu! Est pro cussu chi sos fascistas de Forza Nuova ant pensadu a l’intregare sa tèssera onorària de su partidu. Contra a issa sas giornalistas de Giulia, su Cpo de sa Fnsi, su Cussìgiu natzionale de s’Òrdine de sos giornalistas e UsigRai. «A nàrrere delitu a unu diritu est a fàghere disinformatzione a dannu de sos chi sas fèminas ant achiridu».