In Tàtari su 7 e s'8 de su mes' 'e argiolas su forum contra a su G8 e a sa crisi
(IlMinuto) - Casteddu, 18 de su mes''e làmpadas - Sa lota contra a sa militarizazioni de su territoriu, su no a su nucleare, is tregollus po is diritus e contras a is razismus, sa "soverania alimentari". Ant essi custus is temas de su forum sadru "Cuntra a su G8", chi si depit tenni in Tàtari, pinedu de Baddi manna, su 7 e s'8 de su mes''e argiolas.
Cun su slogan "neppure la Sardegna pagherà la vostra crisi" s'ant agatai po chistionai in assembreas a tema is militantis e totus cussus chi s'agatant de acórdiu cun custus temas, funt prus de 40 is símbolus chi ant adiriu. "Su tregollu sadru - at ispiegau su responsàbbili de s'ufíciu stampa de su forum Antonio Scanu - at sighiu a bivi puru a pustis de sa decisioni de spostai su G8 in Abruzzu. In custu modu su tregollu contra a su G8 est una torrada po sa fai unu caminu políticu impari e no un'arribbu".
Po is personas chi depint participai ddoi at essi su bus navetta de s'Atp e po dromiri ddoi funt is àulas de s'iscola donadas de s'organizazioni.