Fogus: Irs, is sadrus fazant autocritica

(IlMinuto) – Casteddu, 28 de su mes''e argiolas - "Nos pensaus chi siat dèveri de totus is sadrus fai un 'autocritica totus impari partendi de sa classi politica chi governat e at governau sa Sardigna". Aici s'esponenti indipendentista Bobore Bussa espressat sa posizioni de s'Irs po is fogus chi ant bociu sa Sardigna in is diris passadas. "Est arribbada s'ora chi is sadrus torrint a sa própriu terra - sighit Bussa - cun d'una cuscénzia noa puntendi a sa gestioni sostenibbili e amorosa de su patrimoniu ambientali".