Aristanis: s'Irs bullat su síndigu Nonnis, "Po abbandonu e trascuradesa de is monumentus"

(IlMinuto) - Casteddu, 20 de su mes''e austu - "Edifízius istoricus in cadenas, monumentus serraus, guidas e caminus po is turistas ausentis. Mannu est s'apretu po podi tenni informazionis de s'antiga Capitali de sa famosa Eleonora D'Arborea. Custa est sa cundizioni in sa cali s'agatat chi bisitat sa cittadi e su territoriu. Arribbant finzas a nosu armaus de màchinas po fai fotografias e cun medas ispérius". S'Irs de Aristanis dinunziat cun d'unu comunicau s'abbandonu e sa trascuradesa de is monumentus cittadinus e bullat s'operau de su síndigu Angela Nonnis. Trascuradesa de s'amministrazioni cittadina, chi po su movimentu de Gavino Sale si bidi particolarmenti in s'abbandonu de is edifízius religiosus de Santa Petronilla. "Unu parcu bellissimu - si podit ligiri in su documentu - cun matas de olia millenarias, portalis maestosus e una crèsia giudicali de s'omónima Santa de sa cali s'istoria si perdit tra paristória, realidadi e meda àliga. Àliga, erba maba e logus incantadoris ruinaus de genti de pagu coru.