Gruttas de Ingurtidroxus: At e Gig, "Disastrus forsis collegaus a s'atividadi militari de su Poligono de Quirra"

21 Austu 2009
(IlMinuto) - Casteddu, 21 de austu, - Is disastrus chi in custas diris funti stetius registraus in is gruttas de Ingurtidroxus funt forsis collegaus a is atividadis chi de decennius si faint in su "Poligono sperimentale e di addestramento interforze di Quirra". Ddu dinunziant cun d'unu documentu su "Gruppo di intervento Giuridico" e is "Amici della Terra".
Su stadu de is gruttas, narant is organizzazionis, at a podi peggiorai de prus cun sa costruzioni de una pista po aereus militaris. In su 2008 su progetu esti stetiu prima approvau cun d'unu decretu de su Ministru tàtaresu de su Partito democratico, Arturo Parisi, e a pustis esti stetiu confirmau de Ignazio La Russa de su Pdl.
Is assozius ambientalistas no si firmant cun sa dinunzia. Gig e At ant mandau unu recursu a sa "Commisione europea": pedint chi si "valutit sa mancanzia de rispetu de sa direttiva 92/43/Cee, poita no si tenint novas de su procedimentu nezzessariu po sa valutazioni de incidènzia" riguardu a sa costruzioni de sa pista militari.
© RIPRODUZIONE RISERVATA
Tags