Pd: Marino, "Bollu unu partidu aundi s'ùnica currenti chi contit siat cussa de is círculus"

(IlMinuto) – Casteddu, 27 de su mes''e austu - "Biviri su Pd, cambiai s'Italia". Est custu su slogan de su candidau a sa segreteria de su Pd Ignazio Marino chi ariseru in Casteddu (T-Hotel) at presentau su própriu programma a is eletoris sadrus de su Pd. Cun issu ddoi furiat su presidenti de sa provìncia de Casteddu, Graziano Milia, cordinadori regionali de sa mozioni "Marino", e su candidau a sa segreteria regionali de su partidu Carlo Balloi. "Unu de is arreconnoscimentus prus bellus de custa abbentura - at ispiegau su senadori Marino in su própriu blog - est iscobèrriri cussus chi funt torrendi a agatai sa cuntentesa e sa fidúcia agiudendi cuss'idea de "Partito Democratico" aundi s'ùnica currenti chi contat est cussa de is círculus". "In custus duus annus - at scrittu in su própriu situ Milia - esti stetiu  gestiu in d'unu modu chi at creau scéti pagu continuidadi, puru senz''e  bolli renunziai a sa voluntadi mamma de fundamentu de su Pd". Su situ de su "Partito Democratico Sardo" no at donau contu, finzas a immoi, de s'iniziativa.