"Ya basta": apuntamentu in Santa Iusta cun sa festa zapatista

(IlMinuto) - Casteddu, 20 de su mes''e austu - Sa rivoluzioni no andat in vacanza. Cras in Corte Baccas (Santa Iusta), in is aposentus de sa coperativa "Il Seme" ddoi at essi una diri de festa a s'insigna de su zapatismu nou de su subcomandanti Marcos e de is comunidadis auto-organizzadas de su Chapas, in Messicu. S'apuntamentu s'at a oberri a is 11 cun d'unu dibbatidu, aprontau de s'associazioni "Ya basta!", chi at a chistionai de s'esperiènzia zapatista de is ùltimus 15 annus. A pustis pràngiu, cun d'unu menu de coxina messicana e cun tastu de rezzetas "maya-precolombiane", ddoi at essi (15.00) su film "Viva Zapata!". Ant a sighiri unu dibbatidu chi at a chistionai de s'autodeterminazioni de su pópulu sadru e sa presentada de su liburu "Così raccontano i nostri vecchi" de su subcomandanti Marcos. Sa festa est aprontada de is "Giovani comunisti" de Aristanis.