Afghanistan: Zuncheddu (Rossomori),"Gherra mascherada de missionis de paxi"

(IlMinuto) – Casteddu, 23 de su mes''e cabudanni - "No si podit costruiri sa paxi tra is pópulus cun 'gherras mascheradas de missionis de paxi'". Ddu narat cun d'unu comunicau stampa sa consillera regionali de is Rossomori Claudia Zuncheddu. "In custu momentu - narat sa sardista de sinistra - est doverosu s'afetu po is giòvanus sordaus, mortus in Afghanistan comenti fessat po cumpliri unu doveri, e s'aflizioni e sa solidariedadi a is famílias". Ma, precisat Zuncheddu, "a pustis de su dolori oi est doverosa sa reflessioni". "Custa gherra globali istranza a is interessus de is sadrus - spiegat s'esponenti de is Rossomori - est una gherra in nómini de su petróliu, una gherra crudeli chi colpit po primus is pópulus afganus in domu insoru. A s'Italia pedeus su ritiru de su própriu esèrcitu de una gherra chi no est de is italianus e prus pagu est de is sadrus. Basta cun s'ipocrisia e sa falsidadi de su guvernu Berlusconi chi mentris declarat de bolli fai torrai in pagu tempus 500 sordaus (...) mandat 900 óminis cun sa Brigata Sassari".