Aprovada de sa Giunta regionali sa Finanziaria 2010

(IlMinuto) – Casteddu, 30 de su mes''e cabudanni - Esti stetia aprovada de sa Giunta, cun d'una diri de antícipu a cunfrontu de su termini de lei, sa Finanziaria regionali 2010. "Custa manovra - si podit liggiri in d'una nota - podit contai in risorsas po unu totali de 7 milliardus e 840 millionis de eurus cun d'unu aumentu de su 2,72 po centu a cufrontu de su 2009". "In su detàgliu - spiegat su comunicau - is 300 millionis de eurus, dinai manovrabbili e de spedi in s'immediattu, funt sparzius tra is principalis interventus. 50 millionis po su pianu de riforma de s'instruzioni professionali; 50 millionis po su créditu de imposta po is impresas; 90 millionis po su soziali; 100 millionis po is infrastruturas e is serbízius a s'isvilupu e 10 millionis po sa ricerca scientifica". Immoi sa manovra passat a su Consillu regionali.