Espa (Pd), "Ateru ca 'piano casa', serbit unu pianu 'salva-case'"

(IlMinuto) – Casteddu, 28 de su mes''e cabudanni - "Est própriu meda pagu e su nostru territoriu est andau un'atera borta in crisi: Frutti d'oro, su Loi, su Spantu, Rio san Girolamo. Mentris in Consillu regionali si chistionat de "piano casa", Cabudèrra tenit bisóngiu de discútiri de una lei "Salva case", po salvai is domus e sa vida de is 10 mill'animas da is possìbbilis allagamentus". Dd'at nau cun d'unu comunicau stampa su consilleri regionali de su Pd Marco Espa. "Est necessària - at precisau Espa - sa discussioni de su progetu de lei nostru chi donat atenzioni no a is contribbutus ma a sa seguresa definitiva de su territoriu, progetu presentau in su mes''e arbili e ca no esti stetiu pigau ancora in cunsiderazioni. Est urgenti chistionai de custu progetu de lei, sa genti est timendi, est informada ca no ddoi funt risorsas po pòniri in seguresa su territoriu. S'unicu istrumentu est  sa discussioni apretosa de su progetu de lei chi previdit órdinis po 40 millionis de eurus e chi at essi seguramenti profetosa po finaziai s'istudiu po sa seguresa 'e su territoriu".