A Manca: "Eus a sighiri in sa mobilitazioni po sa libbertadi de Bellomonte". Concertu in Mùros

(IlMinuto) – Casteddu, 15 de su mes''e cabudanni - "No seus a citiri. Sa mobilitazioni at a sighiri finzas a sa libberazioni de su patriotu Bruno Bellomonte, arrestau cun pagu onestadi e tentu in stadu de tortura senz''e nesciuna prova e senz''e nescin'indìziu: scéti po su fattu d'essi un'indipendentista sadru". A tres mesis de s'arrestu su movimentu A Manca pro s'Indipendentzia torrat a zerriai cun boxi frimma sa lota po agiudai Bruno Bellomonte: su ferrovieri dirigenti de Amp acusau de ai pigau parti a unu tentativu po fai torrai a nàsciri is Br, e oi presoneri in sa presoni de Sianu in Calabria. "A pustis de s'arrestu - si podit liggiri in su comunicau - su patriotu at depiu agguantai po prus de duus mesis s'isolamentu totali, tenendi scéti 10 minutus de aria a sa diri". Tra is medas cosas fatta e de fai po pediri sa libbertadi de Bellomonte est in programma puru unu concertu in Mùros (SS) po sàbudu chi benit. Ant a participai Tzoku, Stranos Elementos, Dr Drer e Crc Posse e Skanking Caos.