"Sa Regioni at segau dognia raportu cun is assessoris provinzialis de su 'Lavoro'", dinúnzia unanimi in Aristanis

(IlMinuto) – Casteddu, 29 de su mes''e cabudanni - Sa Regioni Sardigna at segau dognia raportu cun is Assessoraus de su "Lavoro" de is Provìnzias sadras. Ddu dinunziant cun d'unu comunicau stampa is otu assessoris - de centrudestra e centrusinistra -  chi si funt reunius ariseru in Aristanis. Is responsabbilis po su traballu "esprimint apensamentu po sa segada de dognia tipu de raportu cun sa Regioni Sardigna e de prus cun s'Assessorau regionali cumpetenti, immoi pigau a interim de su Presidenti Ugo Cappellacci po mori de sa rinúnzia de s'assessori Valeria Serra". Sa dinúnzia de is assessoris est "unanimi po mori de is aprigus chi ddoi funt in su setori de is politicas ativas de su traballu e de is serbízius, cun d'una centina de operadoris chi a sa fin''annu arriscant de no teniri prus unu futuru".