Sanidadi: Uras (Sel), "Po is Asl definitivu arreconnosciméntu de is lotizzazionis politicas"

(IlMinuto) – Casteddu, 15 de su mes''e cabudanni - "Is normas aprovadas de pagu tempus de su Consillu regionali a corpus de magiorànza po su sistema sanitariu regionali e po su commissariamentu de fattu de is Asl faint senz''e nesciunu límiti su, aici ddu lamant, "spoil system". Cun su "spoil system" is diretoris generalis diventant lintus e pintus a is politicus chi ddu su guvernant". Cun custus fueddus su consilleri de Sinistra e Libertà Luciano Uras giudicat - de is pàginas de su própriu blog - s'ultima riforma de su sistema sanitariu regionali aprovada de s'assembrea de via Roma. "In s'ispecificu - ispiegat Uras - custas personas no funt diretoris generalis ma funt 'commissàrius' nominaus de sa Giunta regionali, senz''e chi siat necessàriu unu camminu isseberu o senz''e chi si tengant títulus o esperènzias professionalis". "Custa novidadi normativa - sighit su consilleri de SeL - rappresentat sa definitiva arreconnosciméntui de sa pratica de lotizzazioni politica tra is partidus de una magiorànzia de guvernu. Est una pràtiga chi at biu comenti protagonistas totus is partidus prus importantis aintru de is coalizionis, custu est acontessiu puru pagu tempus fait".