Sinistra e Libertà: Aristanis "presonera de s'àliga"

(IlMinuto) - Casteddu, 3 de su mes''e cabudanni - Sinistra e Libertà acozat sa protesta de is mercanderis de Aristanis. Su cordinamentu provinziali de su movimentu politicu at esprimiu solidariedadi a is mercanderis chi, po protestai contra a is mancànzias in su serbíziu de s'arregorta diferenziada de sa cittadi de Aristanis, iant postu sacus e atera àliga a ingìriu de sa turri de San Cristoforo. Ariseru su gestu esti stetiu cundennau cun forza de su síndigu de Aristanis Angela Nonnis e sa Pulizia Municipali at fattu dinúnzia po abbandonu de àliga in logu pubblicu e damnu a is benis artisticus. "Si auguraus - iscririt su cordinamentu de Sinistra e Libertà - ca su resultau de custa protesta siat cussu de ai otentu unu serbíziu prus organizzau po totu sa cittadi, e puru ca cun custu gestu is amministratoris de sa cittadi cumprendant ca no est possíbbili biviri  in custu modu, Aristanis est presonera de una diferenziada aprontada mali, chi arregalat àliga de dognia tipu, e ateras cosas".