"Su Consillu regionali depit nai no a su nucleari e a is ferrinas". Presentada sa mozioni de su centrusinistra

(IlMinuto) – Casteddu, 16 de su mes''e cabudanni - "Proibbiri in calisiollat forma sa costruzioni de centralis nuclearis in Sardigna e declarai ca su territoriu sadru no bollit aghilliri s'ismaltimentu de is ferrinas chi arribbant de aterus logus". Est cantu pedit a su presidenti de sa Regioni Sardigna, Ugo Cappellacci, una mozioni firmada de totus is consilleris regionalis de su centrusinistra. Su documentu, cumpizosu e cumplessu, esti stetiu presentau a sa stampa custu mangianu. S'intenzioni, at ispiegau su primu a ai firmau, Adriano Salis (Idv), est "Fai in modu ca su Consillu regionali, su 'parlamentu' de is sadrus, chistionit de su nucleari". "Bolleus fai in modu - at nau s'esponenti de s'"Italia dei Valori" - chi is istituzionis de sa Sardigna declarint ca no funt cuntentas de aghilliri una centrali nucleari in s'Isola. Po arribbai a un'atóbiu cun d'unu órdini de dibatimèntu impari cun totu su Consillu seus fasidus a ndi liat su odg nostru".