Taglius a sa scola: Fresu (Prc), "Assurdu omenàgiu de su Guvernu Cappellacci"

(IlMinuto) - Casteddu, 2 de su mes''e cabudanni - "Est assurdu su omenàgiu de su guvernu Cappellacci chi, a facc''e su diroccamentu de s'iscola sadra, a pustis de sa serradura de 225 istrutturas e de s'aumentu mannu de is disocupaus, no pigat una posizioni clara e prezisa po agiudai sa Regioni chi iat a depi rappresentai". Est cantu narat, "a sa luxi de is taglius distrastrosus chi ant inbestiu s'iscola sadra a pustis de sa Riforma Gelmini" su segretariu regionali de su Prc Gianni Fresu. "Po mori de sa riforma Gelmini - ispiegat s'esponenti de Rifondazione - ddoi ant essi 2500 postus de traballu de mancu tra maistus e personali Ata". A totu custu - sighit Fresu - su Guvernu regionali respundit in manera pagu profetosa, preferendi usai 20 millionis, giai donaus po intervenniri contra a sa "dispersione scolastica", po cuai is efetus de is sceberus politicus nazionalis, chi bollint su diroccamentu de s'iscola pubblica". Su Prc sadru aderit a su sit-in de su personali de s'iscola, aprontau po custu mangianu a is 11.30, a facc'e sa sedi de s'"Ufficio scolastico provinciale" in Su Masu.