Benis culturalis: Simbdea a su Ministru, is demoetnoantropologi funt importantis in sa gestioni de is museus

(IlMinuto) - Casteddu, 26 de su mes''e ledaminis - Difendiri su caratteri ispecificu e su valori de sa figura de su demoetnoantropologo, figura chi no esti stetia riconoscia de s'intesa fatta de pagu tra su Ministeru e is Sindacaus po definiri is professionis nezessarias a sa tutela e a sa valorizzazioni de is benis culturalis. Cun cust'iscopu sa sezioni sadra de
Simbdea - Società italiana per la museografia e i beni demoetnoantropologici - at mandau una littera aberta a su Ministru de
is "Beni culturali". In su documentu, sa sezioni sadra at ammostau s'importanzia - riconoscia puru de s'Unesco - de is benis "demoetnoantropologici" de sa Sardinia: benis incorporeus de s'umanidadi, comenti su cantu a tenori barbaricinu, e materialis (saboris e tradizionis de su traballu de is tradizionis sadras, po ndi nai scéti calincunu). "Sa mancanzia de sa figura de su "demoetnoantropologo" - est iscrittu in sa littera - at a fai torrai a coa s'organizzazioni e sa gestioni de is museus antropologicus, ddu s'at a fai torrai a una condizioni de "spontaneismo" superada de su sensu comuni, e massimu in is istituzionis chi ant realizzau, particolarmenti in s'ultima dexina de annus (...), modellus de gestioni chi imponint figuras qualficadas de ricercatoris, curadoris, direttoris".