Con su 52 po centu de is votus Silvio Lai est su segretariu nou de su Pd sadru

(IlMinuto) – Casteddu, 27 de su mes''e ledaminis - Su "Partito Democratico" de sa Sardigna tenit unu segretariu nou: est Silvio Lai. Ariseru a merì, cun prus de 60mila ischedas iscrutinadas, Lai (mozioni Bersani) iat pigau su 52,3 po centu de is votus de is partecipantis a is elezionis primarias, contra a su 35,7 de Francesca Barracciu (mozioni Franceschini) e su 12 de s'ex segretariu de sa Cgil Giampaolo Diana. Cun custus datus a disposizioni, is tres candidaus ant fattu una cuferénzia stampa in su signu de s'unidadi. Francesca Barracciu - chi scéti pagu diris fait iat donau sa culpa a Lai de su crollu de sa Giunta Soru - at declarau: "Silvio Lai est su segretariu de su Pd, est su segretariu miu. Immoi depeus traballai po creai un'alternativa a sa destra".