Diana (Pd): Cappellacci nerit no a su mega depósitu de carburanti de s'Eni

(IlMinuto) – Casteddu, 2 de su mes''e ledaminis - Su presidenti de sa Regioni Ugo Cappellacci nerat no a sa trasformazioni de is impiantus de s'Eni de Pòrtu Turre in d'unu depósitu meda mannu, su prus mannu de Italia po su carburanti. Est cantu pedit cun d'una interpellanza a su Capu de s'Esecutivu su consilleri regionali de su del Partito Democratico, Giampaolo Diana. "S'Eni - spiegat Diana - at propostu unu pianu de investimentu (...) cun s'intenzioni clara de procèdiri a su sbarazu de su petrolchímicu e cun sa cusseguénzia de trasformai s'area marina in d'unu logu de ingruxadura a impatu ambientali mannu". "Segundu is progetus de s'Eni - sighit su candidau a sa segreteria regionali de su Pd - cun d'unu investimentu de 150 millionis de eurus, a cunfrontu de is 90 millionis po is interventus po is produzionis e de is 550 millionis po is boníficas, s'at a costruiri unu parcu de serbatoius capaci de poderai unu millioni e 650 milla metrus cubus de carburanti, chi iat a podi garantiri su traballu a (scéti n.d.r) 45 personas". In s'interpellanza Diana pedit a su Presidenti e a is assessoris de s'"Industria" e de s'"Ambiente" de sciri si su progetu at essi sogetu a sa valutazioni de impatu ambientali.