Immigrazioni: Pcl, "Destruiri su razzismu cun sa solidariedadi de classi"

(IlMinuto) – Casteddu, 9 de su mes''e ledaminis - "Is leis contra a s'immigrazioni no funt un' apógiu po is traballantis italianus chi, comenti sempri, benint lissenziaus candu no serbint prus, ma est un'ispada de Damocle asuba de sa conca de ànimas privas de identidadi, diritus e de assistu e costrìntas a fai traballus fatgosus e perigulosus, senz''e tutelas sindacalis e sozialis. Is prus de is bias totu custu manígiu est controllau de is diversas mafias". Est cantu narat cun d'una nota su cordinamentu regionali de su "Partito comunista dei Lavoratori". "De custa circustànzia - precisat su documentu, no si bessit cun s'intolleranzia e su razzismu, ma cun sa solidaridadi de classi e cun sa lota". Su Pcl at a participai a sa manifestazioni antirazzista in programma in Casteddu po su 17 de su mes''e ledaminis.