Massajus in lota: Prc pedit allestru sa declarazioni de su stadu de crisi po su setori

(IlMinuto) - Casteddu, 20 de su mes''e ledaminis - "Sa mobilitazioni cumenzada ariseru a mangianu a facc''e sa sedi de Equitalia (in Casteddu), bloccada de is ballas de foraggiu, est su sprigu de sa mancànzia de paridadi in su mundu de is massajus e de is pastoris". Ddu narat cun d'una nota su responsàbbili de su 'Dipartimento lavoro' de sa Federazioni de su Prc de sa provìnzia de Casteddu, Roberto Loddo. Rifondazione "esprimit solidariedadi a is lotas po sa soverania alimentari de is massajus e de is pastoris sadrus de su movimentu Altragricoltura" e pedit, tra is ateras cosas, "de aplicai sa lei 'salva aziende' cun su bloccu de is astas" e "s'immediata declarazioni de su stadu de crisi po su setori de sa pastorizia e de sa massaria".