Nascit in Tàtari su comitau "No Nucleare". "Ferrinas de "uranio impoverito" usadas po prodùsiri armis"

(IlMinuto) – Casteddu, 28 de su mes''e ledaminis - Tocat a cumbatti contra a sa torrada de su nucleari e tocat a ddus fai po una Sardigna a "emissionis zeru". Funt custus is propòsitus chi ant giai portau 120 personas a acconsentiri a su "Comitato No Nucleare", chi est stetiu costituiu sàbudu passau in Tàtari, a pustis de un'assemblea pubblica in su parcu de Bunnari convocada de is associazionis "La Città di Ar", "Aperta-mente" e de su Circulu Ilaria Alpi. Cun s'iniziativa, is promotoris ant boffiu ripitiri su no firmu a s'ipòtesi de ponni una centrali atomica e a cussa de a s'ismaltimentu de is ferrinas in s'isola, a pustis de prus de 20 annus de su referendum cun su cali is italianus iant serrau sa porta a su nucleari. "Is quattru-cincu centralis chi su Guvernu bollit fai - at ispiegau in s'assemblea su maistu de "Fisica nucleare" de s'Universidadi de Pisa Massimo De Santi - no bollint scéti tempus longus de produzioni (ottu-dex'annus), ma custus iant a podi contribuiri a is nezessidadis energeticas scéti po su duus-tres po centu. Ateru mitu de disprezai - at sighiu su fisicu - est cussu chi bidit su nucleari esenti de emissionis de Co2: totus is partis de su ciclu combustibili e de sa cetrali (costruzioni, diroccamentu, gestioni de is risorsas radioattivas) produsint anidride carbonica". S'ex senadori Mauro Bulgarelli at svelau is intrallazus chi ddoi funt tra s'usu de su nucleari e s'industria de sa gherra. "Una de is ferrinas chi dependit de su processu de arricchimentu de s'uraniu - at spiegau Bulgarelli - è s'U238, s'uranio impoverito, po s'ismaltimentu de su cali esti stetia agatada una soluzioni economica chi fait a timi, cussa de dd'usai in is ordingius de gherra"