"Piano casa": S'Irs annuziat su referendum abrogativu

(IlMinuto) – Casteddu, 21 de su mes''e ledaminis - "No eus a lassai a is nostrus fillus e a is nostrus nebodis un'eredidadi fatta scéti de ciumentu, damnu, dépidu e subalternidadi". Cun custus fueddus s'assembrea nazionali de s'Irs annuziat sa decisioni de promòviri - a pustis de sa pubblicazioni - unu referendum abrogativu de sa lei fatta pode su "piano casa". Po su movimentu indipendentista sa norma aprovada sa cida passada de su Consillu regionali "parrit casi una lei po agiudai su soziali, e in veci cuat un'amalezzu gravi. Particolarmenti s'art.13 - si podit liggiri in d'una nota - chi permìttiri de ammanniai is cubaduras de is edifizius finas de su 25 po centu e puru a 300 metrus de sa riba, fait benni su dùbbiu de ai donau su vcumenzu a un'ispeculazioni gliusca e damnosa.